澳門3日1夜之旅

3日1夜既澳門之旅 #一齊飛 疫情回落開關之後第一件事，係要去旅行！作為香港人，其中一個必去既地方一定係澳門！坐金巴上去來回$200都唔洗，係個到又可以直接用港幣消費，仲係半小時生活圈，而且仲要可以即日來回都得。 今次我就試左一次2日1夜同一次即日來回。即使咁近去完都有種去完旅行，放鬆左既感覺。 *2日1夜之旅* 今次入住左澳門漁人碼頭一間酒店，只係$6xx就可以住到海景行政套房！一入到酒店房，成間都幾大，一入門口有個類似玄關位擺鞋同衣櫃擺衫，再入先係客廳。跟住，房間都另外隔開左間房。客廳同房都各有個露台，行出去就見到成個海景，同有啲台凳坐下。另外，廁所都好夠大，除左機本乾濕分離外，廁紙上的花紋同提供既L’OCCLTANE淋浴用品，都有令我感覺加分！ 除左酒店房外，酒店設施都有好多免費設施可以享用。除左最Common既泳池同GYM Room外，泳池有個小型水療，更衣室更有汗蒸房同桑拿。係酒店已經可以玩到唔捨得走！而酒店職員都好nice，第一日經去推介就去都官也街，真係冇失望！ 去到官也街，最推介既係「老Day牛雜」同「檸檬車露Gelato」。老Day牛雜，真係好好食😋係我暫時食過數一數二最好食既牛雜😂，佢有有分細、中、大size，我地叫左個中size 2個人share都食到幾飽，覺得細size已經好夠！仲可以留肚食多啲野Tim！而檸檬車露Gelato就係米芝蓮級手作雪糕，只要$40就可以食到2種口味，而且份量都唔少！而手信就推介「安德魯葡撻」，冇係一開始講，係因為個人覺得KFC葡撻同佢都有得比😂，但呢個係大家都會買既一間手信店，所以都值得一買試下。 第二日就去左食澳門「澤賢記」雞蛋仔，佢既雞蛋仔我足足等左成個半鐘，但佢係我等過最耐同最好食既雞蛋仔！超值得等，咬入口好脆口，好新鮮，真係一試難忘，滿分推介💯！ 最後，即日來回既旅程，就去左澳門TeamLab，如果去唔到日本咁遠，澳門呢個都超值得睇，同好夠大！就算係眼睇定影相都好靚，相信會震撼到好多未去過TeamLab既人，影出黎既相仲隔外有藝術感。✨ #一齊飛#澳門#小旅行#香港人#旅行